Mohammed Salah ka vite që është në orbitën e Real Madrid. Egjiptiani është një nga yjet e Premier League dhe pas 5 sezonesh me Liverpool, është gati të ndryshojë ambient, pasi ka kohë që nuk është i qetë dhe është folur shpesh për probleme me Jurgen Klopp.
Këtë fundjavë Salah mahniti sërish dhe Fichajes.net ka publikuar një informacion sipas të cilit Real Madrid do të nisë sërish sulmin verën e ardhshme, duke ofruar jo vetëm shumë milionë euro, por edhe lojtarë.
Emri i parë që Reali kërkon të përfshijë në marrëveshje është Eden Hazard, i cili në Angli ka qenë yll, por në Spanjë nuk e ka gjetur ritmin e vet, edhe për shkak të dëmtimeve. Gjithashtu, Reali do të ofrojë edhe Asensio e Jovic, duke e ulur jo pak çmimin e Salah, që kushton të paktën 100 milionë euro. Nga ana tjetër, sot është folur edhe për interesim të Realit për Kroos dhe ndoshta gjermani mund të jetë një tjetër armë për Realin, për të bindur Liverpool të lëshojë Salah.
Me Salah në ekip, por edhe Mbappe që është gjithnjë e më pranë Realit, është e qartë që Los Blancos do të kishin njëndër sulmet më të frikshme në planet.
