Karim Benzema është pa dyshim një ndër lojtarët më të mirë në botë prej vitesh dhe në karrierën e tij ka pasur një ecuri fantastike, si personale, ashtu edhe në aspektin e trofeve.
Megjithatë, sulmuesi i Real Madrid mbetet i përulur dhe shumë i lidhur me tifozët, siç tregon veprimi i tij i fundit.
Një tifoz i Benzema ka shpërndarë në Twitter një video spektakolare, ku shfaqen veprime të Ronaldo Nazarios, “Fenomenit”, ndërkohë që paralelisht shfaqen edhe pamje të Benzema, duke bërë të njëjtat veprime në ndeshje të ndryshme.
(@Ronaldo @Benzema) pic.twitter.com/WnoAu8Q8K3
— 𝐀𝐥𝐥𝐮 (@GreatWhiteNueve) October 14, 2021
Video është vënë re edhe nga vetë Benzema, i cili e ka pëlqyer shumë punën e bërë nga tifozi i tij, ndaj e ka shpërndarë në profilin e vet në Twitter, duke shkruar “Gjithmonë ki një model”, referuar të madhit Ronaldo. Natyrisht, imagjinohet vetë lumturia e tifozit që kishte bërë videon.
🥰🤩 #AlwaysHaveAModel https://t.co/FWKXtWaxeZ
— Karim Benzema (@Benzema) October 14, 2021
