E ardhma e Iscos duket gjithnjë e më largt Real Madridit dhe tashmë shumë klube janë vënë në lëvizje për të firmosur me mesfushorin verën e ardhshme. Megjithatë, ka edhe klube që e duan lojtarin që në janar dhe i fundit që është shtuar në listë është Leicester City, sipas Fichajes.
Isco është pjesë e Realit deri verën e ardhshme dhe për rinovim nuk bëhet fjalë, ndaj klubi madrilen shpreson ta largojë në janar, për të arkëtuar diçka dhe për të kursyer pagën e tij.
Nëse Leicester e ka seriozisht për në janar, do të ishte një zgjidhje e mirë për të gjithë, por Reali në vend të parave nga Leicester kërkon diçka tjetër.
Ancelotti kërkon një alternativë jo vetëm për Isco, por edhe për Modric, që është pranë fundit të karrierës, ndërkohë që i ka rekomanduar klubit të blejë mesfushorin Tielemans. Ylli i mesfushës së Leicester është kthyer në titullar edhe tek Belgjika dhe çmimi i tij është shumë i lartë, por Reali synon ta ulë duke futur Iscon në marrëveshje.
