Zinedine Zidane u shfaq në konferencë për shtyp pas fitores së sontme ndaj Liverpoolit me rezultat 3-1 në stadiumin Alfredo di Stefano. Tekniku Madrilen foli për këto tema:
Ndeshja
”Po ndihem shumë mirë por është një përzierje e ndjenjave pasi kemi bërë një ndeshje të madhe dhe kemi pasur vështirësi në fillimin e pjesës së dytë. Luajtëm një ndeshje të mirë, jam shumë krenar për të gjithë. Mos të harrojmë që ka një ndeshje të dytë, duhet të kthehemi atje.”
Mungesa e Varane
”Nuk kemi ndryshuar asgjë, kemi ndryshuar vetëm Militaon për Varane, 4-3-3, nuk kemi ndryshuar asgjë nga ajo cfarë kemi përgatitur. Janë duke na ndodhur shumë gjëra këtë vit por jemi të përgatitur.”
Vinicius
”Jam i lumtur sepse ai kishte nëvojë të shënojë si Marco apo Karim, po luan mirë, po ndihmon ekipin dhe kur shënon gol merr më shumë energji. Vinit i ka munguar goli, do t’i jap shumë besim atij pasi e meriton atë”
A ishte ndeshja më e mirë e Vinicius
”Nuk e di nëse ishte ndeshja më e mirë e tij por dy gola në cerekfinale janë shumë të rëndësishëm.”
Skema
”Jam i lumtur për lojtarët dhe jemi në një ecuri të mirë. Lojtarët janë shumë të lodhur dhe duhet të pushojnë.”
Championsi më afër
”Ne nuk kemi fituar asgjë, jemi të kënaqur me atë që po bëjmë. Ajo që po bëjnë lojtarët është e jashtëzakonshme duke e ditur vështirësitë që kemi pasur.”
