Raphaël Varane ka dhënë një intervistë për mediat në kampin stërvitor të Francës dhe nuk ka dashur të flas për të ardhmen e tij dhe në lidhje me rinovimin e tij me Real Madridin.
Qendër mbrojtësi Madrilen i tha mediave se nuk do të përgjigjet në pyetjen për të ardhmen e tij.
”Jemi pranë një ndeshje të madhe me kombëtaren dhe nuk do të ju përgjigjem në këtë pyetje.”, tha Varane kur është pyetur për rinovimin e tij me Madrilenët.
Si e sheh Benzeman:
”Eshtë një punëtor i madh dhe vazhdon të përmirësohet. Ai është mirë fizikisht, po luan futbollin e tij më të mirë. Eshtë një lojtar efikas dhe elegant në fushë dhe është kënaqësi ta shohësh në fushë duke luajtur.”
Franca pa Benzeman
”Eshtë e vërtetë që kam raporte të mira me të gjithë njerëzit e prekur nga kjo qështje por pozicioni im është i qartë: qëndroj mënjanë pasi nuk është roli im. Qëndroj mirë në raporte me trajnerët, bashkëlojtarët dhe kjo është më e rëndësishmja. Nuk jam më i përshtaturi për të folur rreth kësaj situate. Kam qenë me Benzeman në të njejtin klub për vite me radhë, kemi fituar 4 Champions League. Në anën tjetër
trajneri Deschamps ka besuar në mua për 8 vite. Nuk ndihem rehat kur flasim për këtë temë.”
Zidane si trajner i kombëtares:
”Eshtë një mundësi për cdo trajner Francez, udhëheqja e kombëtares është një objektiv për të gjithë. Trajneri ynë Deschamps po bën një punë të mirë dhe duhet të përqendrohemi në qëllimet tona afatshkurte: kualifikimin në Botëror dhe më pas të luajmë në Europian.”
PSG në Champions:
”Ata kanë cilësi në ekipin e tyre që të arrijnë lart në këtë kompeticion, këtë e kanë dëshmuar. Janë një nga skuadrat favoritet për titull. Kanë fituar eksperiencë në vitet e fundit dhe kanë të gjithë potencialin për të arritur deri në finale.”
Reali në Champions:
”Qe nga faza e grupeve ne e dimë se do të përballemi me ekipet më të mira në Europë. Në vitin 2018 jemi përballur me të gjitha ekipet kampione të ligave të tyre përkatëse. Kurrë nuk është lehtë.”
Mbappe:
”Ai është ende i ri por ka përparuar jashtëzakonisht shumë dhe vazhdom të evoluojë. Po bëhet gjithnjë më i kompletuar dhe vazhdon të jetë golashënues, një nga më të mirët. Aspiroj tëluaj me lojtarët më të mirë dhe Kylian është një nga lojtarët më të mirë të Europës.”
Mbappe dhe Haaland:
”Mendoj se Messi dhe Cristiano nuk janë të zakonshëm dhe kanë një vend të veqantë në historinë e futbollit, por edhe Mbappe ka cilësitë të arrij majat e futbollit botëror.”
.
