Pas dopietes që shënoi Cristiano ndaj Eibarit, dopietë e cila i siguroi 3 pikët Real Madridit, ishte trajneri Zinedine Zidane i cili në konferencen për shtyp pas ndeshjes u shpreh se Cristiano është nga një tjetër planet.
“Ai e di se do të shënojë, ai është unik dhe i veçantë”, ka deklaruar Zizou.
Zizou tha se statistikat e portugezit flasin vetë. Sipas francezit, Cristiano është gjithmonë pozitiv dhe nëse shënon dy, ai deshiron edhe tre.
Zidane u shpreh se Isco dhe Bale kanë bërë mirë, por që sipas tij si çdo lojtarë tjetër vuajtën për shkak të veshtirësive që patën.
45 vjeçari duke folur për Modric, ka thënë se kroati është një lojtar fundamental për ta.
“Ai kishte një ndeshje të madhe dhe ne jemi të lumtur”, bëri të ditur tekniku Madrilen.
Fitorja siç bëri të ditur Zidane e la atë me një shije speciale. Zizou e pranoi se nuk kishin posedim të mirë të topit dhe se Eibari ishin më të mirë.
“Ata paten një ndeshje të madhe. Është një vend i vështirë për të luajtur”, ka deklaruar Zizou.
Zidane u tha gazetarëve se djelmoshat e tij luftuan me karakter dhe në fund e arriten fitoren.
Edhe pse Real Madridi gjendet 12 pikë prapa Barcelones (këta të fundit një ndeshje me pka), për Zidane fitimi i Kampionati është i mundshem deri në fund.
“Nëse hutoheni, ju paguani për këtë, kështu që ne duhet të vazhdojmë. Nëse duam diçka, ne duhet të fitojmë çdo ndeshje”, ka bërë të ditur Zidane.
Zidane tregoi se tani lojtaret e tij mund të pushojnë, të jenë me familjet e tyre e poashtu të përgatiten për ndeshjen e ardhshme ndaj Gironas.
