James Rodriguez u shfaq në intervistë për media pas humbjes së mbrëmshme të ekipit ndaj PSG-së me rezultat 3-0 në Parc des Princes.
Kolumbiani pas ndeshjes tha se nuk ka asnjë problem me trajnerin Zinedine Zidane dhe se trajneri po e mbështet edhe më shumë atë.
”Shumë njerëz e dinë se dëshira ime ishte të jem këtu. Mendoj se mund të kem një sezon të mirë për të arritur gjëra të rëndësishme. Më mbështetjen e trajnerit sic po bën ai tani, do të ndodhë. Nuk kam asnjë problem me trajnerin, ai po më mbështet edhe më shumë tani.”, ishin fjalët e James.
