Trajner i Real Madridit, Zinedine Zidane vazhdon të mos heqë dorë nga bashkombasi i tij, Kylian Mbappe.
Trajneri Madrilen vazhdimisht është duke e kontaktuar yllin francez për ta bindur të largohet nga skuadra e Parisit për një kalim te Real Madridi.
Këtë lajm e ka publikuar e përditshmja franceze, Le10Sport.
Dyshimet për të ardhmen e Mbappes i ka rritur edhe më shumë drejtori sportiv i PSG, Leonardo, i cili ka thënë se nuk mund të premtojë që Mbappe do të rinovojë kontratën e tij aktuale me ta.
“Unë kurrë nuk bëj premtime, për dy arsye: e para është se nuk jam unë që bën gjithçka në këtë klub, e dyta, nuk dua të bëj një premtim në ajër, pa qenë i sigurt se mund ta mbaj”, ka deklaruar ai.
