Lucas Vázquez është shumë pranë largimit nga Real Madridi. Lojtari i akademisë madrilene ka luajtur me skuadrën e parë 4 sezone dhe tani duket se ai po jeton ditët e fundit si lojtar i klubit mbretëror.
Ishte Rafa Benitez ai që e solli në ekipin e parë dhe që i dha besim dhe lojtari ja ka shpërblyer. Këto katër vite ka qenë ndër lojtarët më punëtorë në fushë duke dhënë gjithmonë maksimumin.
Vlen të theksohet sezoni 2017/2018 ku ishte ndër lojtarët kryesorë në fitimin e trofeve të ekipit, sidomos në ndeshjet e Champions League ndaj PSG dhe Bayern.
Ka shumë klube të interesuara për Lucas Vazquez ku vlen të theksohen Inter dhe Arsenal. Madje klubi anglez ka bërë një ofertë rreth 30 milionë euro për lojtarin, por Real Madridi kërkon më shumë.
Afrimet e Hazard dhe Rodrygo si dhe prezenca e Asensio, Brahim apo Vinicius do t’a bëjë shumë të vështirë luftën për një vend në ekip për Lucas Vazquez prandaj klubi kërkon ta largojë. Klauzola e largimit të Vazquez është 150 milionë euro.
