Gareth Bale është një nga lojtarët që Real Madridi e ka nxjerrë në merkato, Zidane nuk e dëshiron në skuadër. Por pavarësisht kësaj, duket sikur largimi i tij nga skuadra do të jetë shumë i vështirë, duke qenë se ka akoma vite të mbetura në kontratë.
Këtë gjë e ka konfirmuar sot edhe agjenti i tij, Jonathan Barnett. Në një intervistë ai është shprehur me ironi:
“Më shumë mundësi ka që unë të fitoj në Ascot (kompeticion me gara kuajsh) sesa Bale të largohet me huazim nga Reali. Në Spanjë Bale ka ndërtuar një jetë shumë të mirë, ka një shtëpi dhe do duhet të ndodhë diçka madhështore që ai të largohet nga Spanja.”
“Situata e Gareth në Real Madrid nuk është përmirësuar. Nëse do i jepej mundësia, Bale do bënte shumë mirë sepse akoma është një ndëer lojtarët më të mirë në planet”.
