E as në ëndërrat e tij më të bukura, nuk do e kishte menduar një prezentim si ai që e përjetoi sot në Santiago Bernabeu. Më tepër se 50.000 njerëz ishin të pranishëm për të ndjekur nga afër prezentimin e tij, ndërsa ovacionet për të nuk munguan teksa ai firmosi kontratën dhe më pas doli për të parën herë me bluzën e Real Madridit në fushë.
Me Hazard në skuadër, Madridizmi ka rikuperuar iluzionin pas një sezoni zhgënjyes ndërsa klubi ka bërë më të mirën e mundëshme duke e prezentuar lojtarin në një formë madhështore, diçka që nuk ndodhte prej kohësh në Santiago Bernabeu.
Presidenti Madrilen si zakonisht ishte i pari që hapi prezentimin me një fjalim mirëseardhës për lojtarin Belg: ‘‘Sot është një ditë speciale për Real Madridin sepse vjen një lojtar i shkëlqyer që është në gjendje të bëje gjëra të jashtëzakonshme. Legjenda e Real Madridit duhet të vazhdoje me lojtarët më të mirë në botë dhe prej kohësh kam dashur të them këta fjalë: sot vjen për të formuar një pjesë të Real Madridit, Eden Hazard. Je aty ku duhe të jesh.”
I emocionuar nga gjithçka që ndodhi brenda kësaj dite të paharrueshme, Eden Hazard doli për të thënë dhe fjalët e tij të para si lojtar i Real Madridit: ”Shumë faleminderit president, faleminderit shumë familjes time. Kam shumë dëshirë për të filluar të luaj me Real Madridin brenda këtij muaji dhe të fitoj shumë tituj. Ishte ëndërra ime të luaja në Real Madrid që kur isha fëmijë, faleminderit të gjithëve.”
Ndërsa më pas vijoi konferenca për media ku Eden Hazard u përgjigj ndaj pyetjeve të gazetarëve.
Sa kohë ke që e ëndërron diçka të tillë: ”E kam ëndërruar që kur isha i vogël, gjithmonë kam bërë tifo për Real Madridin. Pastaj ika në Francë dhe në Angli dhe të veshësh këtë fanellë tani është një nderë i madh për mua.”
Familja e tij: ”Është diçka e bukur për mua dhe familjen time, sepse kur erdha në Real Madrid të gjithë ishim të emocionuar, mbase e ëma ime pak më tepër. Dhe ashtu siç kam thënë, kam shumë dëshirë që të filloje sezoni.”
Zinedine Zidane: ”E gjithë bota e di se Zidane ishte idhulli im dhe tani që është trajneri im do të jetë një faktor shumë i rëndësishëm. Por unë gjithmonë kam dashur të luaj për këtë klub. Për pozitën, gjithmonë më ka pëlqyer e majta apo si numër 10, por nuk është vendimi im.”
Objektivat: ”Ëndërra ime është t’a shijoj, të fitoj ndeshje dhe të fitoj trofe. Dua të krijoj histori me Real Madridin.”
Penalltitë: ”Kur luan për Real Madridin nuk ka vetëm një yll në skuadër, jam thjesht një i ri në ekip dhe do të tentoj të jap maksimumin. Sa i përket penalltive, kapiteni i godet shumë mirë. Nëse do më lejoje, që nuk besoj se do e bëje, do i godas unë.”
Nuk erdhi vonë nënshkrimi për Real Madridin: ”Jam në momentin më të mirë të karrierës time, mes moshës 27 dhe 32 vjeç. Ëndërra ime ka qenë gjithmonë kjo.”
Sa herë kanë tentuar të të nënshkruajnë: ”Gjithçka filloi pas botërorit, por vazhdova edhe një vit tek Chelsea. Ishte një vit i madh për ne. Ky ishte momenti më i mirë për të nënshkruar me Real Madridin.”
Numri në fanellë: ”Kam patur fatin të flas me Modric nëpërmjet Kovacic. Ia thash me shaka që të më lërë fanellën me numrin 10 dhe ai më tha që kjo nuk është e mundur. Numri për mua nuk është i rëndësishëm, ajo që ka rëndësi është stema.”
Niveli më i mirë: ”Është një publik kërkues sepse është një klub kërkues. Gjithmonë tenton të fitoje gjithçka. Si lojtar më e rëndësishme është të punosh në maksimum.”
Courtois: ”Më tha që nuk duhej të dyshoja, është një mik i imi. Më ka thënë që ky është klubi më i mirë në botë.”
Dyshove që ëndërra nuk do bëhej realitet?: ”Gjithmonë kam ëndërruar të firmos me Realin. Ky ishte momenti perfekt të vija këtu. Tani më duhet të dëshmoj kualitetin tim në fushë.”
Më i miri në botë: ”Do të tentoj të jem më i miri në btë, por para se gjithash dua që ekipi të fitoje trofe. Jam përpara një objektivi të ri dhe i përgaditur për këtë.”
Florentino: ”Kam folur me Florentinon në një gala në Londër dhe më tha që tani është momenti të luash për Real Madridin.”
Topi i Artë: ‘‘Këtë vit Topi i Artë tashmë është në Madrid me Luka Modric. Nuk e di nëse është më e lehtë t’a fitosh me Real Madridin edhe pse është e vërtetë që shumë lojtar të Realit e kanë fituar. Por unë koncentrohem tek aspekti kolektiv. Nëse luaj dhe gjithçka shkon mirë, pse jo? Është në mendjen time, por jo një obsesion.”
Galaktik: ”Nuk jam një galaktik, por do të tentoj të jem. Për momentin jam Eden Hazard.”
Benzema: ”Për mua është qendër sulmuesi më i mirë në botë. Besoj se do të më bëje më të mirë loja me të. Veçse i imagjinoj kombinimet me Benzeman, ndonëse për t’i bërë këta duhet të luash.”
Ambientimi: ”Kam ardhur këtu për të mbështetur grupin me eksperiencën time, cilësitë, objektivat.. Do të tentoj të bëj gjithçka për të fituar ndeshjet.”
Hazard mund të përmirësohet: ”Në futboll gjithmonë më kanë thënë që mund të përmirësohesh. Gjithmonë ka aspekte ku mund të përmirësohesh individualisht dhe si kolektiv. Të gjithë shpresojmë të përmirësojmë rendimentin. Jam në një moment madhor të karrierës time, mund të përmirësohem dhe ky ekip do më lejoje të arrij atë nivel.”
Pogba dhe Mbappe: ”Nuk jam këtu për të folur për nënshkrimet. Janë ndër lojtarët më të mirë por unë nuk e di se çfarë do të ndodhë në të ardhmen.”
Emocionet: ”Mirë, e pranoj që isha pak nervoz.”
Sezoni i fundit i Realit: ”Jam koncentruar shumë tek Chelsea. E di që ka patur momete të këqija, por në 5 vitet e fundit kanë fituar shumë. Të gjithë ekipet kanë rënie.”
Tjetër cikël fitues në Champions: ”Stili i Premier dhe La Liga është i ndryshëm, por nuk besoj që njëri kampionat është më i mirë se tjetri. Real Madridi ka fituar shumë tituj së fundmi dhe shpresoj të fillojmë një cikël të ri për të fituar shumë trofe.”
Konferenca e plotë në formë video:
