Kalimi i Eden Hazard tek Real Madridi është 100% i sigurt, mungon vetëm zyrtarizimi. Lidhur me këtë çështje është shprehur ish shoku i tij i skuadrës tek Chelsea, spanjolli Cesc Fabregas (i cili momentalisht luan me Monaco në Francë).
Në një intervistë për “BT Sport” ai u shpreh:
“E urrej ta them, por momentalisht Chelsea nuk mund t’i japë Hazardit atë që ai meriton. Ai mund të fitojë gjithçka, madje dhe Topin e Artë. E di që Hazardi thotë që nuk i intereson Topi i Artë, por thellë thellë jam i sigurt se ai dëshiron shumë ta fitojë, ashtu si dhe UEFA Champions League. Chelsea është një klub i mirë, por tek Real Madridi është më lart dhe mund të fitojë gjithçka aty. Klube si Real Madridi, Barcelona, Manchester City apo Bayern, edhe pse mund të kalojnë një sezon të keq, gjithmonë rikthehen më të fortë.”
