Jose Carlos Peres, presidenti i Santos (ish klubi i Neymar në Brazil) është përfshirë në çështjen ‘Neymar’. Gjatë një interviste për një nga gazetat braziliane, ai është pyetur për lojtarin e PSG dhe është shprehur:
“Në gjykimin tim, Neymari bëri gabim që u largua nga Barcelona. Tek katalanasit ai po rritej shumë si lojtar dhe kishte mundësi të fitonte shumë trofe, si kolektivë ashtu edhe individualë, madje mund të synonte edhe Topin e Artë një ditë. Ai u transferua tek PSG dhe është vendimi i tij, prandaj duhet t’a respektojmë.”
“Real Madridi e kërkon Neymarin? Real Madridi është një klub të cilin unë e ndjek gjithmonë dhe e mbështes. Jam fans i tyre. Nëse Neymari do nënshkruante me ta, do ishte diçka e jashtëzakonshme. Reali është një klub që i bën gjërat në perfeksion. Do ishte vendi perfekt për Neymarin.”
