Karim Benzema është një nga çështjet që do të diskutohet në klubin madrilen dhe vazhdimësia e tij nuk është e garantuar. Tek të bardhët ka dyshime për vendimin e tij, ndonëse shpresojnë që ai të vazhdojë të paktën edhe një sezon në skuadër.
Është shtuar shqetësimi në udhëheqjen madrilene për situatën aktuale të Benzemas.Të bardhët janë disi të hutuar nga performanca e dobët që ai po kalon.
Benzema la të hapur rinovimin e tij me skuadrën e bardhë pasi fitoi Topin e Artë, siç përcaktohet në klauzolën e tij. Megjithatë, te Real Madrid nuk i kanë të gjithë me vete dhe nuk përjashtojnë që Benzema të zgjedhë opsionin e largimit këtë verë.
Të dyja palët kanë një marrëdhënie të shkëlqyer dhe nuk do ketë asnjë problem për të folur përpara një ndryshimi të mundshëm planesh.
