Real Madridi e ka shumë të qartë se e ardhmja e tij e afërt kalon nga Carlo Ancelotti, i cili është një legjendë e klubit dhe një person shumë i dashur nga të gjithë tifozët madrilen.
Florentino Pérez dhe José Ángel Sánchez janë të bindur se kishin të drejtë me rikthimin e Ancelottit.
Carlo Ancelotti, i cili shpreson që kjo lidhje me Real Madridin të zgjasë sa më gjatë, i ka dhënë një intervistë për ‘ Rai Sport ‘, për të folur për të ardhmen e tij.
“Ajo që unë shoh në të ardhmen time është Real Madridi. Këtë sezon dhe sezonin e ardhshëm Real Madrid. Edhe një herë Real Madrid dhe një herë Real Madrid! Pastaj do të shohim”, tha Ancelotti.
“Këtu thonë se është shumë e lehtë të jesh trajner i Realit: thjesht duhet të fitosh ndeshjet”, shpjegoi Carlo Ancelotti.
