Nuk priten shumë surpriza në ’11’ të Carlettos, por pritet një risi që praktikisht nis nga prapa. Sigurisht, jo në portë, ku Courtois me 2 pritje në ndeshjen e parë tregoi se është më i miri në botë dhe për rrjedhojë do të jetë portieri titullar në ndeshjen e dytë.
Por në mbrojtje do të ketë ndryshime të detyruara. Militao është sanksionuar dhe vendin e tij do ta zërë Nacho . Nuk ka dyshim se ai është një zëvendësues i garantuar, siç e tregoi edhe në Londër kur iu desh të dilte në fushë. Ai do të formojë një çift me Alaba-n, ndërsa në krahë do të vendosen Carvajal dhe Mendy, të cilët nuk luajtën ndaj Getafes.
FORMACIONI I MUNDSHEM: Courtois; Carvajal, Nacho, Alaba, Mendy; Casemiro, Modric, Kroos, Fede Valverde; Vinicius dhe Benzema.
