Gazetari Fabrizio Romano ka zbuluar se Liverpool po e ndjek nga afër Rodrygon dhe nuk përjashton mundësinë që të bëjë një ofertë të madhe për të marrë nënshkrimin e tij në merkaton e radhës.
Real Madridi është shumë i kënaqur me paraqitjen e Rodrygo dhe nuk po mendon të heqë qafe lojtarin brazilian . Në fakt, ata po mendojnë të zgjerojnë lidhjen e tyre.
Gazetari italian ka zbuluar se madrilenët duan të rinovojnë kontratën me Rodrygo dhe faktori kryesorë është Ancelotti, i cili është i kënaqur me shërbimet e ofruara nga Rodrygo.
Këtë sezon ai është bërë lojtar i rregullt për Ancelottin dhe ka luajtur gjithsej 20 ndeshje në të cilat ka shënuar dy gola (të dy në Champions League) dhe ka dhënë tre asistime (një në ligë dhe dy në Champions League).
