Takimi mes Real Madridit dhe PSG-së premton të jetë magjepsës – një prej tyre sigurisht që është Ramos që bën një rikthim emocional në Santiago Bernabeu.
“Kanë qenë disa muaj të vështirë, me një ndryshim kaq të madh nga shumë vite në Madrid, për t’u përshtatur në Paris”, tha Ramos për Marca-n për vështirësitë e tij këtë sezon me lëndime.
“Më në fund po ndihem mirë dhe pak nga pak po mësohem me dinamikën e grupit.
“Fati është kapriçioz dhe do të kisha dashur të luaj kundër një ekipi tjetër.
“Ju e dini dashurinë që kam për Real Madridin, por tani është radha ime të mbroj PSG-në dhe do të bëj gjithçka që është e mundur për të arritur në raundin tjetër me ta.
“PSG është skuadra që ka vënë baste për mua këtë verë dhe unë do të luftoj deri në vdekje për PSG-në”.
