Florentino Pérez dhe Carlo Ancelotti ka kohë që po diskutojnë në mënyrë thuajse të përditshme në lidhje me sezonin aktual, por edhe për atë të ardhshmin, duke projektuar të ardhmen e ekipit. Prej verës së ardhshme priten ndryshime të mëdha tek Los Blancos, siç raporton Sport në Spanjë.
Projekti i ri galaktik i Florentino Perez parashikon disa goditje të mëdha për të festuar stadiumin e ri, me emra si Mbappe, Haaland e Pogba në shënjestër, por për të mundësuar blerjen e tyre nevojiten shumë largime.
Revolucioni i Realit nisi me largimin e Sergio Ramos dhe Raphael Varane, ndërsa do të vijojë me largimin e Gareth Bale, Isco Alarcón dhe Marcelo, të tre në fund kontrate dhe të panevojshëm për Realin.
Në dyshim mbetet e ardhmja e Luka Modric, i cili është natyrisht nën vëzhgim për shkak të moshës së tij, 36 vjeç.
Eden Hazard është i pari në listën e lojtarëve në shitje, ku bëjnë pjesë edhe emra si Luka Jovic, Ceballos, Vallejo e Mariano Díaz, por edhe Marco Asensio, nëse nuk bën çudira në pjesën e mbetur të sezonit.
