Reali do të luajë sot në orën 14.00 në Elche, ndeshjen hapëse të javës së 12-të ne kampionatin spanjoll. Për herë të parë këtë sezon do të mungojë lideri i madh i Los Blancos, Karim Benzema.
Francezi ka luajtur thuajse 100% të minutave këtë sezon, por në Ukrainë pësoi një dëmtim në këmbë dhe që atëherë nuk është dukur në formë maksimale, ndaj trajneri Ancelotti e ka lënë jashtë sot, edhe pse ka sqaruar se bëhet fjalë për pushim, jo dëmtim.
Pikërisht zëvendësimi i Benzema është pikëpyetja e madhe për sot, sepse në teori Luka Jovic është zëvendësi natyror i francezit, por nga ana tjetër Ancelotti i ka dhënë shumë pak minuta këtë sezon.
Pa sulmues tjetër të vërtetë, në majë të sulmit dilema është mes Jovic dhe ndonjë zgjedhje emergjence si Hazard apo Asensio, për të kaluar në një sulm ka pykë.
Pjesa tjetër e ekipit duket e konfirmuar, me mbrojtjen e javës së shkuar dhe me Modric do të rikthehet në mesfushë, pas mungesës ndaj Osasuna në mesjavë.
