Trajneri i Real Madrid, Carlo Ancelotti, ka folur sot pasdite në konferencën për shtyp para El Clasico, ku natyrisht ka prekur tema të ndryshme, në lidhje me Realin dhe Barcelonën.
EL CLASICO
“Një ndeshje unike, po e përgatitim në mënyrën më të mirë të mundshme. Janë kthyer Hazard e Carvajal, të gjithë lojtarët janë të përqendruar. Carvajal sapo është kthyer, ndaj do jetë e vështirë të luajë nga fillimi”.
DUELI VINICIUS – ANSU FATI
“Janë të dy të rinj, kanë ende shumë për të treguar, sa larg mund të shkojnë në karrierë. Cristiano, Messi e të tjerë largohen, por të tjerë vijnë dhe El Clasico mbetet ndeshja më e mirë në botë”.
PA FITORE NË CAMP NOU
“Po, nuk kam fituar kurrë aty, është koha ta thyej tabunë, por nuk do të jetë e lehtë. Janë veç 3 pikë, por duhet t’i marrim nëse duam të fitojmë kampionatin”.
DËMTIMET E JAVËVE TË FUNDIT
“Kemi rikuperuar Kroos, Mendy, Marcelo, po përmirësohemi. Kemi ende gjëra të vogla që duhen rregulluar, po punojmë. Në pjesën sulmuese jemi mirë, aty kam më pak punë”.
VALVERDE DHE ROLI NË FUSHË
“Në sistemin 4-3-3 ai duhet të bëjë mesfushorin. Nëse i kërkoj të luajë në vendin e Rodrygo, gabohem. Mund të ndryshosh vendin e një lojtari, por cilësitë e tij shfaqen sidomos kur luan në vendin e vet”.
