Portieri i Real Madrid, Thibaut Courtois, ka folur në prag të ndeshjes kundër Barcelonës, në një intervistë për El Mundo Deportivo.
“El Clasico do jetë një ndeshje shumë intensive, me rivalitet dhe thumba në fushë. Ndeshjet me zjarr brenda më pëlqejnë, janë emocionuese. Rezultati? Preferoj të mos mos bëj parashikim, sepse më pas të kthehet mbrapsht”.
“Si ne, ashtu dhe Barcelona, jemi në moment të mirë. Duhet përqendrim i madh, e dimë për çfarë luhet. Nuk i zë besë kurrë fjalës krizë te Barcelona, edhe në renditje nuk janë larg nesh”.
“A është mirë për ne që Messi nuk është më? Jo, më pëlqen të përballem me të, mëkat që ka ikur sepse edhe tifozët e të dyja palëve e donin në fushë. Megjithatë, Barça ka cilësi, Ansu Fati, Pedri. Do jetë një ndeshje e madhe, sepse Barça ka shumë cilësi”.
