Real Madrid është duke përgatitur lëvizje të rëndësishme verën e ardhshme, sepse priten goditje të mëdha në merkato, por do të ketë edhe largime.
Përveç disa lojtarëve që kanë luajtur shumë pak dhe duhet të largohen, ende e paqartë është e ardhmja e Luka Modric, por ndërkohë regjistrohet edhe interesimi i Liverpool për një tjetër yll të Los Blancos.
Sipas El Nacional, Jurgen Klopp ka piketuar Toni Kroos, i cili shihet si përforcim perfekt në mesfushë, për eksperiencën dhe cilësinë që ka.
Gjermani ka kontratë deri në 2023 dhe ende nuk e ka të qartë çfarë do të ndodhë verën e ardhshme, pasi Reali nuk ka vendosur ende për një rinovim të mundshëm, ndaj Liverpool është gati të ofrojë rreth 25 milionë euro për të bindur Realin ta lëshojë 1 vit para përfundimit të kontratës.
