Karim Benzema është përfshirë në listën e kandidatëve për Topin e Artë. Përsëri. Për të dhjetën herë rresht!
Pak futbollistë në planet kanë vazhdimësinë dhe nivelin e sulmuesit francez, i cili me Real Madrid ka fituar gjithccka dhe me kombëtaren do të kishte fituar Kupën e Botës, nëse nuk do të ishte lënë jashtë për arsye jofutbollistike.
Nëse Benzema nuk e ka fituar ende Topin e Artë, është “faji” i dy jashtëtokësorëve si Leo Messi e Cristiano Ronaldo, diktatorët e mëdhenj të Topit të Artë prej shumë e shumë vitesh, por nuk ka mbaruar, sepse Benzema është ende në nivelin e tij më të lartë, duke parë lojën dhe shifrat e tij.
