Reali është mundur nga Sheriff, rezultat i papritur, dhe natyrisht shumë lojtarë të Realit kanë bërë figurë jo të mirë. Ja notat sipas ElDesmarque:
Courtois [5]: Nuk mund të bënte ndonjë gjë te golat, por një dalje e gabuar për pak sa nuk i kushtoi një gol.
Nacho [4]: U kthye në të djathtë, pas ndeshjes ndaj Villarreal ku luajti si mbrojtës i majtë. Goli i parë erdhi për një gropë në krahun e tij.
Militao [5]: Shumë i tërhequr dhe ia la gjithnjë Alabas detyrën për nxjerrjen e topit nga mbrojtja.
Alaba [5]: I çorientuar te goli i parë, Yakhshiboev i kaloi nga pas. Gjithsesi, është lider në mbrojtje dhe vendos rregull në prapavijë.
Miguel [4]: Guxoi, doli shpesh për t’u kombinuar me Vinicius. Ishte me vonesë te goli i parë i Sheriff.
Camavinga [5]: Ndeshja e dytë si titullar, për të lënë pushim Modric. Oksigjen dhe muskuj në mesin e fushën, por u venit me kalimin e kohës, pasi nuk kishte hapësirë.
Fede Valverde [4]: Luajti në mesfushë, vrapoi dhe provoi sa mundi. Lëvizi në të djathtë të mbrojtjespas ndërrimeve të Ancelottit.
Hazard [5]: U rrit me kalimin e minutave. Krijoi rreziqe dhe provoi të shënonte, por nuk është ende në formë të plotë.
Vinícius Jr. [6]: Lëvizje pa fund, driblime, shpërthime, por i mungon goli. Ishte protagonist në pjesën e dytë, fitoi penalltinë.
Benzema [6]: Vuajti për të hyrë në ndeshje, nuk ishte aktiv në fillim. Sapo gjeti ritmin, rastet më të mira i krijoi ai, përveç golit me penallti.
Modric [5]: Reali u përmirësua me futjen e tij, pati një rast të mirë, por nuk rezultoi vendimtar.
Kroos [5]: Larg nivelit të tij, duket që ka muaj pa luajtur. Thjesht duhej të luante pak minuta.
Jovic [4]: U fut për të shtuar forcën goditëse, por bëri shumë pak.
Rodrygo [4]: pati një rast të mirë për 2-1, e shpërdoroi.
