Natë yjesh në Bernabeu, gjithçka perfekte për djemtë e drejtuar nga Ancelotti.
Spektakolar Asensio, më në fund, magjik Benzema, me golat dhe asistet, rizgjohet edhe Isco nga letargjia.
Karim Benzema shënoi golin e parë kundër Mallorca dhe i dhuroi dy pasime për gol Asensios, ka vazhduar punën edhe në fundin e takimit, duke gjetur golin e 5-1.
Në minutën e 84-t festa në Bernabeu do të vazhdonte, me Isco që gjeti golin e gjashtë të ndeshjes për Realin, pas një pasimi perfekt nga Vinicius.
Shkëlqejnë pak a shumë të gjithë dhe pushojnë lojtarë të rëndësishëm si Modric e Casemiro. Më mirë se kaq, ishte e pamundur.
