Reali i Madridit do të luajë sot në mbrëmje, ora 21.00, në Valencia, dhe trajneri Carlo Ancelotti ka zbuluar formacionin e tij për këtë duel, ku kërkon rezultatin e 18-të pozitiv rresht në transfertë në LaLiga.
Në portë do të jetë Courtois, para tij Carvajal, Militao, Alaba dhe Nacho, në mesfushë Casemiro, Valverde, Modric, dhe në sulm Vinicius, Hazard e Benzema.
Praktikisht konfirmohet formacioni që triumfoi në San Siro ndaj Interit, por me ndryshimin e rëndësishëm se Hazard do ta nisë nga minuta e parë, duke qenë se forma fizike është përmirësuar. Belgu merr vendin e Lucas Vazquez.
Kroos, Bale, Mendy, Marcelo, Mariano dhe Ceballos nuk kanë udhëtuar me ekipin, për dëmtime të ndryshme.
