Zinedine Zidane ishte shumë i lumtur pas fitores së sontme. Pas një jave shumë të vështirë, tekniku Madrilen i ka heshtur kritikat me dy fitore vendimtare sidomos kjo e sontmja ndaj Borussia Monchengladbach. ”Jam i lumtur për lojtarët.”, ishin fjalët e shpeshta të Zizou në konferencë për shtyp sonte.
Ndeshja
”Objektivi ishte ky, të përfundonim fazën e grupeve si të parët. Kemi bërë një ndeshje spektakolare, nga minuta e parë deri në të fundit. Intepretuam lojën shumë mirë. Mendoj se luajtëm ndeshjen më të kompletuar të sezonit por në përgjithësi ishte mirë.”
Pse nuk luajnë gjithmonë kështu
”Unë kam qenë lojtarë dhe është e pamundur të luash gjithmonë kështu. E provojmë, por kohë pas kohe. Nuk kemi luajtur vetëm nën presion, këtë e kemi bërë edhe në ndeshjet tjera të mira. Eshtë e vërtetë që ky ekip nuk ka pasur vazhdimësi por kur vështirësitë janë të mëdha, atëherë ky ekip shfaqet në vendin e duhur.”
I lumtur
”Jam i lumtur për lojtarët, sepse gjëja më e rëndësishme janë ata. Unë po luftoj me ta dhe jam i lumtur për ta. Ishte një ndeshje e mirë.”
Të parët e grupit
”Eshtë thelbësore të jesh i pari. Eshtë hera e parë me mua që përfunduam grupin e Champions League si të parët.”
Atletico
”Shpresoj për versionin më të mirë. Tani duhet të pushojmë dhe të përgatitemi mirë për ndeshjen.”
