Luka Modric ka qenë një lojtar thelbësor në sukseset e Real Madridit në dekadën e fundit dhe me kontratën që i skadon në Qershorin e vitit të ardhshëm, mesfushori Kroat shikon përpara për një rinovim tjetër.
Dhe madje është e mundur që ai të penzionohet në Real Madrid.
”Kuptohet që dua të qëndroj në Madrid, por kjo nuk varet vetëm nga unë,” theksoi ai në një intervistë të dhënë për emisionin ‘El Partidazo’ të Cadena COPE.
”Varet nga ajo se çfarë duan klubi dhe trajneri. Ndjehem mirë dhe kam dëshirë të përfundoj karrierën në Real Madrid edhe pse nuk dua të bëhem një problem për klubin apo për trajnerin.”
”Kemi një marëdhënie të mirë dhe jam i sigurtë që do të gjejmë një marrëveshje për të qëndruar apo për të shkuar në një klub tjetër. Real Madridi është shtëpia ime dhe ky është sezoni im i 9-të këtu, jam shumë i lumtur.”
”Do të shohim se çfarë do të ndodhë, nuk më pëlqen të flas për situata hipotetike sepse akoma nuk kam folur me presidentin.”
Luka Modric poashtu ka folur edhe për trajnerët që ka patur gjatë karrierës së tij në Real Madrid, duke përfshirë këtu Jose Mourinhon, Carlo Ancelottin, Rafa Benitez dhe Zinedine Zidane.
”Jose Mourinho ishte thelbësor në transferimin tim në Real Madrid,” zbuloi Modric.
”Më erdhi keq që luajta për të vetëm një sezon sepse ai është një trajner i mrekullueshëm dhe këtë e ka treguar gjatë gjithë karrierës. Do të jem gjithmonë falenderues ndaj tij. Ai është i vështirë, por gjithmonë i hapur dhe më pëlqen kur njerëzit janë të sinqertë.”
”Ancelotti është një tjetër trajner spektakolar dhe një person akoma më i mirë. Kam patur dy sezone shumë të suksesshme me të ku fituam Champions Leaguen dhe Copa Del Rey. Kam patur një marëdhënie të mirë me të dhe ne akoma flasim kohë pas kohe.”
”Benitez është një trajner shumë i mirë por gjërat nuk funksionuan për të tek Real Madridi. Ky është futbolli, jo të gjithë trajnerët që arrijnë janë të suksesshëm. Unë nuk kisha ndonjë problem me të. Nga jashtë, dukej sikur kishim një problem në stërvitje por ajo nuk ishte asgjë dhe ne kemi patur bashkëpunim të mirë.”
”Zidane është një trajner i madh dhe ajo që ka bërë për ne është diçka që nuk mund të përsëritet. Njerëzit akoma nuk e vlerësojnë atë si trajner dhe ai është gjithmonë në dyshim por Zidane është njëri ndër trajnerët më të mirë në botë. Në TV dhe në radio, dëgjoni shumë kritika për të dhe njerëzit mund të kritikojnë, por ka gjëra që nuk kanë kuptim. Ai është një trajner spektakolar që ka ide të qartë dhe çfarë kërkon nga lojtarët e tij. Ai mund të ketë edhe shumë vite të tjera tek Real Madridi dhe mund të krahasohet me epokën e Alex Ferguson apo Arsene Wenger në Angli.”
Modric u pyet poashtu edhe për sistemin VAR dhe nëse mendon që gjërat duhet të ndryshojnë.
”Ka shumë ankesa për VAR-in dhe shumë njerëz besojnë që Real Madridi ndihmohet nga VAR, por më tregoni një vendim që nuk ishte i drejtë për ne,” theksoi ai.
”Të gjitha vendimet e VAR për Real Madridin ishin të drejta. VAR e bën futbollin më të drejtë edhe pse ka vende ku mund të përmirësohet.”
