Nënshkrimi i mundshëm i Paul Pogbas me Real Madridin vazhdon të jetë temë e top mediave ndërkombëtare sportive.
Çdo gjë tregon se ky do të jetë një ‘operacion’ vërtet i shtrenjtë dhe i vështirë, i cili për t`u realizuar duhet të kalojë nepër katër hapa, të shpjeguar në detaje mëposhtë.
Hapi i parë: Të bërit para
Veprimi i parë që Madrilenet duhet të bëjnë është të shesin lojtarë në menyrë që të jenë në gjendje të përballojnë nënshkrimin me Pogban dhe që gjithashtu të jenë në përputhje me Fair-Play-in financiar.
Skuadra e Real Madridit është ende e mbushur me shumë lojtarë, të cilët duhet të largohen.
Në klub, shpresojnë të përfitojnë rreth 200 milion nga shitja e James, Marianos, Keylor, Bale e të tjerëve.
Sapo t`i sigurojnë të hollat, drejtuesit Madrilen mund të fillojnë të negociojnë me Unitedin, pasi tashmë e kanë ‘Po-n’ e Pogbas.
Hapi i dytë: Të negociojnë me Manchester United
Kjo padyshim do të jetë detyra më e vështirë për Florentino Pérez. Arritja e një marrëveshjeje me ‘Djajtë e Kuq’ pritet të jetë shumë e komplikuar, sepse ata nuk kanë asnjë nxitim apo nevojë për të shitur yllin e tyre, i cili ka kontratë deri më 2021.
Tani për tani, ata kërkojnë rreth 180-200 milionë euro për shërbimet e mesfushorit francez.
Këtë çmim, Real Madridi synon ta ulë në rreth 130 milionë, pa përjashtuar mundësinë e përfshirjes së ndonjë lojtari në operacion.
Hapi i 3: United të nënshkruajë me një zëvendësues të Pogbas
Në rast të arritjes së një marrëveshjeje, Man Utd duhet të nënshkruajë me shpejtësi me një zëvendësues të Pogbas përpara 8 gushtit, afatit të fundit për të transferuar lojtarë në Angli.
Eriksen tingëllon si një zëvendësues i mundshëm i francezit.
Pa zëvendësim, nuk do të ketë transferim.
Hapi 4: Mbyllja e marrëveshjes me lojtarin dhe zyrtarizimi
Pasi Manchester United të gjejë zëvendësuesin e Pogbas, Real Madridi mund të mbyllë marrëveshjen në parim dhe të njoftojë për nënshkrimin me francezin.
Kësisoji, do të kompletohej njëri prej operacioneve më të mëdha galaktike dhe do të plotësohej dëshira e kahmotshme e Zidane për ta pasur në ekip bashkombasin e tij, Paul Pogban.
