Në mbyllje të një sezoni katastrofal pa asnjë trofe të fituar, drejtuesit e lartë të Real Madridit me në krye presidentin Perez, kanë filluar punën për një projekt të ri për klubin, me ndryshime të mëdha në skuadër. Merkatoja e verës pritet të jetë tepër e nxehtë, sidomos për klubin madrilen i cili pritet të bëjë REVOLUCION.
Por çfarë ndyshimesh pritet të bëhen?
SITUATA PER TRANSFERIMET E MUNDSHME: Eden Hazard, Luka Jovic, Paul Pogba, Christian Eriksen, Ferland Mendy…
- Eden Hazard: Transferimi i tij duket pothuajse i sigurt. Ka shprehur dëshirën publikisht për t’u larguar nga Chelsea dhe ka arritur marrëveshje verbale me Real Madridin. Pritet vetëm marrëveshja mes dy klubeve për çmimin e lojtarit.
- Luka Jovic: Po zhvillon një sezon sensacional me Frankfurtin. Real Madridi po e monitoron vazhdimisht, por akoma nuk është ulur të negociojë me klubin gjerman. Lojtari dëshiron të transferohet në Bernabeu, pritet vetëm oferta e klubit madrilen.
- Paul Pogba: Lojtari francez e ka shprehur publikisht admirimin për Zinedine Zidane dhe për klubin e Real Madridit, duke thënë se çdokush do donte të luante atje. Real Madridi e ka si objektiv për mesfushën dhe fakti që Manchester United nuk do luajë në Champions sezonin e ardhshëm e bën më të lehtë operacionin. Gjithsesi, pezullimi i agjentit të tij (Mino Raiola) i ndërlikon disi gjërat, por nuk i bën të pamundura. Drejtuesit madrilenë do e transferojnë patjetër një mesfushor, por akoma nuk kanë vendosur se cilin. Paul Pogba është ‘nën shënjestër’ dhe i plotëson të gjitha kriteret për të qenë galaktiku i ardhshëm.
- Christian Eriksen: Lojtar që shihet me shumë sy të mirë në kampin madrilen dhe një nga objektivat kryesorë të merkatos. Shihet si zëvëndësuesi i Luka Modric në planin afatgjatë. Tratativat me Tottenhamin nuk kanë filluar dhe oferta nga klubi madrilen akoma nuk ka ardhur, gjithsesi nëse realizohet, do ketë një kosto të madhe. Presidenti i Tottenham, Daniel Levy nuk pranon ta lejojë largimin e danezit për më pak se 100 milionë euro.
- Ferland Mendy: Ka zhvilluar një sezon të mrekullueshëm me Lyon në Francë dhe kjo nuk ka kaluar pa u vënë re nga Zinedine Zidane, i cili e shikon si lojtarin perfekt për skemat e tij dhe për zëvëndësimin e Marcelos. Akoma nuk ka tratativa me klubin francez, por pritet vetëm oferta e Real Madridit. Vlera në treg e lojtarit është rreth 50 milionë euro, por Real Madridi do tentojë ta transferojë për një çmim më të ulët.
SITUATA PER LARGIMET E MUNDSHME: Gareth Bale, Mariano Diaz, Dani Ceballos, Marcos Llorente, Sergio Reguilon…
- Gareth Bale: Largimi i tij duket pothuajse i sigurt, madje mediat në Spanjë e japin për të sigurt. Marrëdhënia e tij me Zidane është ‘shkatërruar’ totalisht, aq sa tekniku francez nuk e ka grumbulluar fare këto javët e fundit, madje dje në intervistë u shpreh ‘Do shohim çdo ndodhë në sezonin e ardhshëm…’ duke lënë të kuptohet që uellsiani me shumë mundësi do largohet. Po ashtu ai nuk dëshirohet as nga fansat në Bernabeu, të cilët e vërshëllejnë sapo prek topin.
- Mariano Diaz: Nuk ka patur shumë mundësi loje këtë sezon, kur është futur në lojë, gjithmonë ka bërë performanca të mira, gjithsesi, me transferimin e Luka Jovic, lojtari domenikan pritet të largohet.
- Dani Ceballos & Marcos Llorente: Mediat më të besueshme në Spanjë raportojnë se Zizou i ka takuar personalisht duke ju thënë që sezonin e ardhshëm nuk i ka në plan dy lojtarët. Sipas të gjitha gjasave, të dy do të huazohen për më shumë hapësira.
- Sergio Reguilon: Në një situatë të ngjashme ndodhet edhe Reguilon të cilin klubi madrilen mendon ta huazojë për të fituar më shumë eksperiencë.
