Zinedine Zidane u shfaq përpara mediave në prag të ndeshjes së nesërme ndaj Villarreal. Përpara se të fillonin pyetjet e gazetarëve, Zidane dëshironte të japë një mesazh inkurajimi për Casillas.
Iker Casillas: ”Kam folur me të. I dërgojmë shumë kurajo, është më mirë. Na ka dhënë një mesazh dhe e shohim që është më mirë. Duhet të jetë i qetë. Shumë forcë për të.”
Villarreal: ”Duhet të vazhdojmë. Një tjetër mundësi për të luajtur, për të bërë një ndeshje të mirë. Na pëlqen që luajmë në shtëpi, që tifozët të jenë me ne. Sezoni është i komplikuar. Villarreal luan për mbijetesën. Vijnë të përgaditur për të bërë diçka të mirë këtu. Duhet të jemi të kujdesshëm. Secili ekip dëshiron të bëje diçka ndaj Real Madridit, akoma më tepër kur luhet për diçka. Është një ekip i mirë, me shumë kualitet. Duhet të bëjmë një ndeshje të mirë.”
Bale: ”Jam unë trajneri dhe më duhet të bëj ekipin, të mar vendime. Ai duhet të stërvitet dhe të luaje. Nuk mund të flas për lojtarët. E dinë se ku ndodhen dhe përgjegjësinë që kanë. Shpresoj më të mirën për të gjithë lojtarët. Për këtë stërvitemi çdo javë.”
Bale si anësor i majtë sezonin e ardhshëm: ”Nuk e shoh të ndodhë.”
Si është Zidane: ”Janë dhe tre ndeshje, nuk është e mundur të mendojmë në diçka më të mirë se sa përfundimi i sezonit. Jam mirë. Dua të fitoj dhe të luaj mirë. Tifozët janë këtu sezonin që vjen dhe nuk mund të ndryshojmë idenë se si do të futemi në sezon. Do të ketë ndryshime por shumë lojtar do të qëndrojnë. Tifozët do të jenë bashkë me ne.”
Reagimi i ekipit pas acarimit tuaj: ”Në Getafe nuk bëmë keq, luajtëm mirë. Isha shumë i kënaqur edhe pse na mungoi goli. Në Vallecas jo, por do të doja të jem optimist. Mbajmë veshur bluzën e Real Madridit. Kemi një përgjegjësi, duhet të bëjmë një ndeshje të madhe. Ky është objektivi. Duhet të futemi në fushë për t’a shijuar lojën, për të dëshmuar që jemi të mirë. Nëse vepron kështu ke shumë mundësi. Në të kundërtën është akoma më e vështirë.”
Pogba: ”Thash që është i mirë, ashtu si të tjerët. Nuk do të futem në këtë çështje. Nëse flet diçka këtu, nesër bëhet bum çdokund. Është lojtar i Manchester United. Shumë mirë. Kur të ketë diçka të mbaruar atëherë do të flasim.”
Vinicius: ”Nuk surprizohem me të. Stërvitet, është më mirë dhe gati për t’u futur në listë. Ka nevojë për këto dy javë. Ishte koha e nevojshme për të. Ka 18 vjeç, mund të jetë sa djali im. Është shumë i mirë. Një lojtar i rëndësishëm i këtij ekipi, para se gjithash për të ardhmen. Meriton të jetë këtu. Ka qenë i dëmtuar dhe duhet të shkojmë pak nga pak me të. Mbeten edhe tre ndeshje. Duhet të shohim se si do të veprojmë me të.”
Parasezoni dhe nënshkrimet e shpejta: ”Gjërat bëhen me qetësi. Këtë verë nuk ka asgjë, as grumbullime me kombëtare e as Copa America. Do të kemi kohë për t’u përgaditur për sezonin. Deri me 31 Gusht mund të ndodhë gjithçka. Do të jetë një kohë e gjatë.”
Çfarë pret nga ndeshjet që vijnë: ”T’i fitojmë. Të trejat. Njëjtë duan dhe lojtarët. Duhet të jemi pozitiv sepse stërvitemi mirë, ndonëse nuk gjen shpjegime ndonjëherë për atë se si futemi në ndeshje. Duhet ndryshuar imazhin e ndeshjeve të fundit.”
Madridi dhe futbolli: ”Është një qytet me një evolucion të përhershëm. Një qytet i jashtëzakonshëm në gjendje të organizoje çfarëdolloj evenimenti. Është një kënaqësi të jetosh këtu, akoma më tepër me Spanjollët.”
