Zinedine Zidane ka konfirmuar në konferencën e sotme për media që ka një pikëpamje të qartë për objektivat e merkatos së verës dhe ka theksuar që në skuadër do të ketë ndryshime.
”Do të flas për transferimet me klubin sepse e di fare mirë se pfarë dua,” tha ai përpara gazetarëve. ”Por jo tani. Nuk do u jap emra tani.”
Zidane u pyet se çfarë garancie i është dhënë atij nga Florentino Perez pasi ka pranuar të rikthehet në Real Madrid.
”Klubi dëshironte të ndryshonte gjërat jo kushtet dhe ne kemi folur për atë se çfarë do të bëjmë dhe për profilat e lojtarëve që duam,” theksoi tekniku.
”Pastaj do të shohim se çfarë mund të marim nga merkatoja, por është e qartë që do të ketë ndryshime.”
Ka patur raportime të ndryshme që klubi do të duhet të siguroje të ardhura përpara se të bëje blerje të mëdha dhe Zinedine Zidane ka pohura që asnjë lojtar nuk është i sigurtë.
”Të gjithë kanë një kontratë këtu,” filloi ai. ”Do të kemi kohë për të folur në lidhje me këtë. Mund t’i ndodh çdokujt të largohet.”
”Real Madridi gjithmonë kërkon për lojtarët më të mirë. Ne duhet të pranojmë që ky nuk ka qenë Reali më i mirë i viteve të fundit dhe kjo duhet të ndryshoje.”
Gareth Bale është një nga emrat që lidhet vazhdimisht me një largim të mundshëm.
”Nuk kemi folur për të ardhmen e tij,” potencoi Zidane.
Këtë javë mund të shohim edhe Vinicius Jr në aksion pas disa muajsh jashtë për shkak të një dëmtimi që pësoi në gju.
”Duhet të shkojmë pak nga pak me të”, tha Zidane. ”Duhet të jemi të qetë. Nuk do të nxitojmë rikthimin e tij. Ai është një lojtar i së ardhmes.”
Një lojtar që mund të kthehet të Dielën është Thibaut Courtois, me portierin Belg që ka qëndruar jashtë për shkak të një dëmtimi.
”Mendoj se pak nga pak është rikthyer dhe nuk ndjen më shqetësime. Ai ndjehet më mirë dhe mendoj se mund të filloje të stërvitet me skuadrën përsëri të Hënën.”
Real Madridi futet në javët në vijim pa asnjë trofe për të luajtur, por Zidane nuk lejon që ai dhe lojtarët e tij të pushojnë.
”Nuk jam i shqetësuar për intenzitetin,” theksoi ai. ”Kemi 6 ndeshje të mbetura deri në fund. Stërvitjet kanë qenë mirë në këto javët e fundit. Do të tentojmë të luajmë një ndeshje të mirë nesër.”
”Athletic Bilbao është një skuadër që po bën shumë më mirë, ata gjithmonë kanë qenë të vështirë dhe do të na bëjnë jetën e vështirë nesër.”
