AS ka sjellur një artikull të detajuar në lidhje me katër lojtarët e mundshëm që do t’a zëvendësonin Varanen nëse ai largohet. Para disa diteve L’Equipe raportoi se Varane po mendon të largohet nga Real Madridi. Pas tetë sezoneve në Bernabeu, mbrojtësi francez është në kërkim të një sfide të re.
Nëse kjo do të ndodhte, Reali që tashmë ka nënshkruar me mbrojtësin e Portos, Eder Militao, do të detyrohej të hynte në merkato për një tjetër qendër-mbrojtës. AS shqyrton katër zvëvendësimet e mundshme që merkato ofron:
De Ligt, 20 vjeç – Barça është pengesa kryesore – De Ligt ka qenë një nga lojtarët më të mirë të këtij sezoni te Ajaxi duke shkëlqyer me paraqitjet e tij. Madje ai ishte kyç edhe në eliminimin e Rbealit nga Champions League. De Ligt ka qenë gjithashtu i lidhur ngushtë me një lëvizje në Camp Nou, por Reali mund të hyjë në garë për të nëse Barane largohet. Me paratë që do fitonin nga shitja e Varanes, ata mund të paguanin me lehtësi çfarëdo çmimi që Ajaxi do të kërkonte për 20 vjeçarin që kujtojmë se është kapiteni i holandezëve.
Hermoso, 23 vjeçar – do të kushtonte vetëm 7.5 milionë euro – Hermoso i cili doli nga akademia e Realit, u largua para disa sezoneve në kërkim të minutazhit. Tani ai është shtylla kryesore e mbrojtjes së Espanyolit. Reali ka avantazhin që t’a blejë atë me opsionin e kontratës për vetëm 7.5 milionë euro.
Koulibaly, 27 vjeç – më shumë se 200 ndeshje me Napolin – Një nga mbrojtësit më të mirë në Serie A, një mbrojtës qendror i cili është i fuqishëm në deuelet ajrore, në rastet 1 vs 1, pasime, por pengesa kryesore mbetet mosha e tij, pasi që nënshkrimi i tij do të shkonte kundër politikës së tanishme të Realit për të nënshkruar me lojtarë të rinjë. Përndryshe, e përditshmja italiane, Corriere dello Sport raportoi se tanimë Reali i’a ka vënë syrin atij. Çmimi i tij konsiderohet të jetë 70 milionë euro.
Skriniar, 24 vjeç – agjenti i tij veçse e konfirmoi interesimin e Realit – Skriniar i cili është lojtar kyç për Interin, ku ka humbur vetëm 4 ndeshje këtë sezon mbetet një tjetër objektiv i mundshëm. Agjenti i tij, Mithat Halis ka konfirmuar interesimin e Realit për të nënshkruar me sllovenin. Sipas transfermarkt, ai mund t’i kushtojë Realit 60 milionë euro.
