Agjenti i Cristiano Ronaldos, Jorge Mendes përshkroi në mënyrën më të bukur që mundte performancën e yllit portugez kundër Atletico Madridit në Champions League.
“Epike, legjendare dhe hyjnore,” u përgjigjë ai kur u pyet mbi përshkrimin e performancës së klientit të tij për ndeshjen e lartëpërmendur nga La Gazzetta dello Sport.
“Ai është lojtari më i mirë në historinë e futbollit dhe ai e dëshmon këtë. Ai është një alien,” shtoi mes të tjerash.
Poashtu, Mendes mendon se ai bënte dallimin në Angli dhe ishte lojtari më i mirë në historinë e Real Madridit, pa të cilin këta të fundit nuk do fitonin aq shumë.
“Ai ka bërë diferencën në Angli dhe më pas ishte lojtari më i mirë në historinë e Real Madridit, një klub që nuk do të kishte fituar aq shumë pa të. Ronaldo ishte ylli kryesor përgjatë katër titujve të fituar të Champions Leagues në pesë vjet. Tani ai do të shkruajë histori me Juven,” përfundoi ai.
