Solari u shfaq përpara mediave në Valdebebas për të analizuar ndeshjen ndaj Barcelonës, këtë herë në La Liga.
Ndeshja kundër Barcelonës: ”Jemi përsëri këtu me dëshirën për të marë pikë. Përballemi me çdo ndeshje me të gjithë dëshirën e mundur dhe me të njëjtin shpirt gare, gjithnjë duke tentuar përmirësimin e gjërave. Çdo ndeshje është në botën e vet. Trajnerët mund të planifikojnë gjërat që dalin por ka edhe prej atyre që nuk dalin. Jemi mirë dhe kemi vendosur të gjithë forcën tonë atë ditë për të arritur finalen e Copa Del Rey. Tani të mendojmë për La Ligan dhe të fokusohemi tek kjo përballje.”
Formacioni kundër Barcelonës në kupë: ”Duhet të mendojmë për ndeshjen e rradhës, për më tepër kur është një El Clasico. Duhet të shkurtojmë distancën dhe kemi dëshirën për t’a bërë këtë. Nëse nuk luajmë kundër Barcelonës, do të kemi të njëjtën dëshirë poashtu. Është një realitet. Ndeshja e rradhës është më e rëndësishme dhe kjo është ajo që na mban të fokusuar.”
Vinicius: ”Më pëlqen të shoh gjërat pozitive që bëjnë futbollistët. Ai ka shumë gjëra pozitive dhe ka sjellur shumë të mira në ekip. Sakrificë, dëshirë për të mësuar, krijimtari.. shumë gjëra në pak kohë. Më mirë është të punojmë me të dhe me të gjithë që kemi në skuadër, gjithnjë në tentim për të nxjerë gjërat e mira.”
Situata e Iscos: ”Listën e lojtarëve të ftuar e kemi bërë. Është pozitive që të gjithë janë gati. Isco kishte 18 ditë i dëmtuar dhe ka stërvitur disa ditë me grupin. E shohim mirë dhe ai është mirë.”
Mungesa e finalizimit: ”Kemi shënuar gola. Nuk kemi bërë gola në ndeshjet e fundit, por kemi shënuar në ato parapraket. Një skuadër dhe një trajner dëshiron të gjithë golat për vete dhe asnjë për rivalin. Ndaj Barcelonës duhej të shënonim por nuk shënuam. Tani kemi një tjetër mundësi për t’i shënuar ato gola që nuk mundëm t’i shënonim atë ditë.”
Pezullimi i Ramos: ”Nuk do e vlerësoj, kërkoj ndjesë. Do të flasim të Hënën për këtë.”
Rotacione ndaj Barcelonës: ”Është kalendari ai që duhet respektuar dhe i tillë është në këtë moment.”
Mesazh tifozëve: ”Ishte shumë bukur të shihje Bernabeun e zjarrtë në sfidën ndaj Barcelonës. Edhe tifozët luajnë ndeshjet e tyre.”
Mbrojtja: ”Ndaj Barcelonës kemi marë vetëm dy goditje në portë. Duhet vazhduar t’i bëjmë gjërat e mira. Është e vështirë të vendosësh rezultatin përfundimtar, por kemi bërë gjëra të mira.”
Situata e lojtarëve si Isco, Marcelo, Bale..: ”Vazhdoj t’a them. Bale, që kur është kthyer nga dëmtimi, ka luajtur të gjitha ndeshjet dhe ka bërë gola. Marcelon të gjithë e dimë se çfarë nënkupton për ekipin. Për Asensio, ishte i dëmtuar dhe është kthyer të luaje dhe të jetë vendimtar në ndeshje ashtu si në atë ndaj Ajax. Të gjithë lojtarët janë të rëndësishëm, jo vetëm ata që fillojnë ndeshjen. Kampionati fitohen me një skuadër të kompletuar. Llogarisim tek të gjithë.”
Mungesa e golit dhe mungesa e një sulmuesi: ”Puna ime është të stërvis dhe të punoj me ata lojtar që kam në dispozicion. Nëse është e nevojshme të përmirësohemi, do të përmirësohemi por ajo që ka rëndësi është të punosh me këtë skuadër që është e kompletuar dhe e mbushur me lojtar të mëdhenjë.”
Vërshëllimat ndaj Bales: ”Nuk duhet të them asgjë për tifozët. Ata e dinë se çfarë ka bërë Bale për Real Madridin. Tifozët dinë të vlerësojnë.”
Ndeshje karakteri ndaj Barcelonës: ”Të gjitha ndeshjet janë të tilla. Që nga e para deri tek e fundit.”
