Gareth Bale ishte në qendër të vëmendjes mbrëmë pasi që refuzoi të festojë golin e tij të fitores me bashkëlojtarët në ndeshjen kundër Levantes.
Sidoqoftë, Solari nuk e sheh si problem veprimin e Bales, por gjithsesi është i lumtur me mënyrën e lojës që ai zhvilloi.
“Ai ishte i lumtur në dhomën e zhveshjes sepse shënoi. Më pëlqen shumë se si hyri në fushë me inat dhe mënyrën se si ai luajti. Bale na fitoi ndeshjen dhe bëri një punë të mrekullueshëm, ishte fantastik,”
Tekniku poashtu ishte i gatshëm të diskutonte edhe mënyrën e tij të festimit, ku lojtari këmbënguli në fokusin për lojë dhe jo festimin e golit së bashku me bashkëlojtarët.
“Ju (mediat) keni më shumë sy. Ajo që pash unë ishte se si ai punoi dhe luajti në fushë. Na dha fitoren, shënoi golin dhe mund t’a festojë ashtu siç dëshiron,” citoi Solari.
