Florentino Perez ka dhënë një intervistë për France Football, e cila e ka shpallur klubin Madrilen si më të mirin nëbotë. Presidenti Perez foli për shumë tema aktuale lidhur me klubin dhe njëra nga to ishte edhe se pse nuk po nënshkruan me ndonjë sulmues qendror.
”Insistoj që kemi ekipin më të mirë në botë dhe titujt na japin arsye. Nuk do të shpenzojmë për të shpenzuar. Për shembull, unë kam lexuar dhe dëgjuar disa media për vite se Madridi duhet të nënshkruaj me një sulmues 9 kur realiteti tregon se Karim Benzema është sulmuesi më i mirë në botë. Ajo që ne bëjmë në pothuajse cdo rast është të sjellim lojtarë shumë të rinj të cilët do të jenë protagonist për të ardhmen. Ashtu si Vinicius apo Rodrygo. Ky i fundit ishte kandidat për trofeun Kopa.”, ishin fjalët e Perez rreth nënshkrimit me një sulmues qendror.
