Santiago Solari u shfaq përpara mediave pas përfundimit të ndeshjes ndaj Atletico Madrid në të cilën skuadra doli fitimtare me një rezultat bindës 3-1.
”Të gjithë lojtarët ishin të jashtëzakonshëm, që nga minuta e parë e deri tek e fundit. Ka qenë një fitore ekipore dhe është ky shpirti garues që duhet të mbajmë. Futbolli luhet me të gjithë ekipin dhe ky ekip është shumë i përkushtuar ndaj fanellës që mban veshur. Ndjehem krenar me lojtarët, është më tepër meritë e tyre sepse ata luajnë ndeshje pas ndeshje, stërvitje pas stërvitje. Lumturia që kanë brenda grupit, mënyra se si përballen me gjithçka që u del përpara, ato i dinë shumë mirë këto gjëra.”
”Kemi qenë një skuadër, pa dyshim. Nuk ka mënyrë tjetër për të nxjerë më shumë analiza nga ky stadium. E vetmja mënyrë për të arritur diçka është të bëjmë atë që kemi bërë sot. Ndeshje ekipore, e fortë në të gjitha aspektet. Mbase ishte ndeshja më e mirë e sezonit, që nga muaji dhjetor.”
”Çelësi i gjithçkaje është grupi. Ekipi e di se si duhet të sillet, se çfarë kompromisi duhet të jap në fushë, me çfarë zemre duhet të luaje, pastaj talenti dhe përkushtimi është gjithmonë aty. 95% e meritave shkojnë për lojtarët, pastaj të tjerat shkojnë për ne që tentojmë të ndihmojmë. Pjesa teknike, mediotike, motivimi që nuk duhet të bjerë kurrë, të gjithë jemi për të ndihmuar dhe po ndryshojmë, por merita është e lojtarëve.”
”Reguilon? Reguilon është një shembull për djelmoshat e akademisë. Është dëshmia që me talent, punë dhe vendosshmëri mund të arrish këtu, është një shembull për të gjithë kanteran.”
”Bale? Ka qenë fantastik, u fut mirë në fushë, ndihmoi në mbylljen e ndeshjes dhe çdo ditë duket më mirë.”
”VAR? Trajnerët nuk kanë një monitor dhe ne nuk mund të shohim VAR-in, ajo që ne mund të bëjmë është të presim për vendimin e duhur sepse ne nuk kemi të bëjmë asgjë me atë që ndërmerret.”
”Vinicius? Është entuziazmues edhe për faktin që është vetëm 18 vjeç dhe ka shumë vite përpara në futboll. Është normale që vazhdon të rritet sepse është vetëm një fëmijë. Është poashtu normale që ka këto numra, por ai mëson nga më të mirët dhe këshillohet gjithmonë me lojtarët veteran të ekipit. Ka mbështetjen e të gjithëve në skuadër.”
”Ata që rikuperojnë topat janë lojtarët dhe jo unë. Për të dalë me pikë nga këtu duhet të bësh një ndeshje perfekte dhe sot kemi bërë një të tillë. Reaguam shumë mirë, luajtëm shumë mirë dhe bëmë më të mirën tonë ndaj një ekipi që gjithmonë rivalizon. Për Real Madridin nuk ka gjë tjetër përveç se të luftosh deri në fund.”
”Para dy muajsh bëmë poashtu ndeshje të mira, sidomos në Champions League, aty ku gjithmonë jemi favorit për t’i shkuar deri në fund. Jemi të kënaqur me formën aktuale dhe duam të vazhdojmë në këtë mënyrë.”
