Dopieta e Santi Cazorlas i shkaktoi Real Madridit barazimin e tretë në La Liga këtë sezon por trajneri Santiago Solari beson që rezultatet e tilla nuk mund të nënvlerësohen.
Të dështosh të mposhtësh Villarrealin në stadiumin ‘La Ceramica’, pavarësisht faktit që ke kontrolluar ndeshjen, i lë Madrilenët me 7 pikë prapa liderëve dhe shpresat për titullin vazhdojnë të varen nga Barcelona, gjithnjë nëse Katalanasit do të lëshojnë pikë.
”Është një kampionat shumë garues, ne nuk mund t’i nënvlerësojmë barazimet,” shpjegoi Solari në konferencën përpara ndeshjes.
”Kemi një nga kampionatet më të bukur, çdo skuadër luan për objektiva të ndryshëm dhe të gjithë kanë talentin për të dëmtuar kundërshtarin.”
”Kuptohet, ne duam fitoren por kishim një pjesë të parë ndaj Villarreal dhe tani do të tentojmë të marim tre pikët të Dielën.”
Një nga temat që u diskutua ishte edhe dëmtimi i Gareth Bale ndonëse tekniku Argjentinas e bëri të qartë që pavarësisht numrave me fitnesin e dobët, dëmtimi i fundit është një problem i vogël.
”Në princip është vetëm një dëmtim i vogël,” tha ai.
”Shpresojmë që ai të rikthehet së shpejti. Do të kemi ekzaminime të tjera mjeksore dhe më pas do të kemi më tepër informacion, ai është një lojtar shumë i rëndësishëm për ne.”
Sezoni i fundit i Zinedine Zidane në Santiago Bernabeu u shënua poashtu me një ecuri të dobët në kampionat por sidoqoftë ekipi i Francezit arriti të riktheje lavdinë duke triumfuar në një tjetër Champions League dhe kupë bote për klube.
Duke marë parasysh faktin që kupa e botës për klube u fitua nga Madrilenët në muajin e shkuar, një rrugë e ngjajshme pritet të ndiqet edhe nën regjimin e Solarit edhe pse ish-trajneri i Castillas thekson që skuadra e tij lufton për çdo kompeticion në të njëjtën mënyrë.
”Luajmë në të gjitha kompeticionet me të njëjtën energji dhe fokus,” shtoi ai.
”Lojtarët nuk janë makina, ne duhet të punojmë në rikuperimin e energjive pas çdo ndeshje.”
”Askush nuk luan aq shumë në kaq kompeticione sa ne, është e vështirë por lojtarët japin gjithçka në këto sfida, pa asnjë dyshim, niveli i përkushtimit nga skuadra është shumë domethënës.”
