Real Madridi do të jetë favorit në ‘letër’ në ndeshjen kundër Ajaxit në kuadër të 1/16-ave të Champions League, por Erik ten Hag, trajneri i skuadrës holandeze, i ka kërkuar lojtarëve të tij të mendojnë pozitivisht.
Ten Hag beson se lojtarët e tij duhet të synojnë fitoren dhe të japin më shumë nga vetja.
“Ne po përgatitemi mirë dhe jemi në mes të një momenti të mirë evolucioni. Por, duam të bëjmë një hap përpara dhe duhet të japim më shumë nga vetja.”
“Jemi në garë në tri kompeticione, por duam të bëjmë më shumë se sa vetëm të ‘luftojmë’. Ne dëshirojmë që të fitojmë sa më shumë tituj,” shtoi ai mes tjerash.
“Përballja kundër Real Madridit është shumë e vështirë, por kjo është një mundësi e mirë për ne,” tha tekniku.
Ndeshja e parë mes dyja skuadrave do të luhet më 13 shkurt në Amsterdam.
