Real Madridi arriti ta mposht me rezultat 5-0 Viktoria Plzen në kuadër të Champions Leagues.
Benzema ishte lojtari më i mirë i ndeshjes, i vlerësuar me notën 9. Ndërsa këto janë notat e lojtarëve të tjerë Madrilen.
Courtois: 6.5
Belgu debutoi në Champions League me Real Madridin. Nuk pati shumë punë, përveç dy pritjeve fantastike. U rrit në ndeshje pak nga pak.
Odriozola: 6
Ndeshje e matur, por serioze e spanjollit. Ishte i rezervuar në sulm, por bëri mirë në mbrojtje, duke prishur disa aksione shumë të rrezikshme.
Sergio Ramos: 6
Mirë i pozicionuar, por mund të ndeshkohej lehtësisht me karton të kuq në pjesën e parë, gjë që do t`i bënte gjërat më të vështira për ekipin Madrilen.
Nacho: 6
I qetë dhe solid në qendër të mbrojtjes. Lëndimi i Varanes i ka lejuar që të ketë vazhdimësi në këtë pozitë.
Reguilón: 7
Ndeshje e shkëlqyer e tij. Tre ndeshje kanë qenë të mjaftueshme për të zbuluar se Real Madridi ka zëvendësues të denjë kur Marcelo nuk është në fushë.
Casemiro: 7
Si çdo herë u përkujdes për ekuilibrat. Shënoi një gol dhe prishi disa kundërsulme të kundërshtarit.
Ceballos: 6.5
Vazhdimisht kërkoi top nga bashkëlojtaret. I kudondodhur. Vrapoi pambarim.
Kroos: 7
Ndeshja e madhe nga gjermani. Kishte kohë që nuk ishte në formë, por sonte u rikthye të jetë ai që jemi mësuar ta shohim. Asistoi në pjesën e parë, por edhe shënoi një gol përfekt në pjesën e dytë.
Lucas Vázquez: 6
Luajti mes linjave për të krijuar rrezik për mbrojtjen çeke. Vrapoi shumë, por kishte probleme me mbajtjen e topit.
Benzema: 9
Ndeshje fantastike e francezit. Shënoi dy gola duke arritur kështu tashmë në shifrën e 201 gola në 429 ndeshje me fanellën e Real Madridit. Me një fjalë, LOJTARI I NDESHJES.
Bale: 6.5
Shënoi një gol dhe qëlloi njëherë transversalen. Nuk bëri aq sa pritet prej tij. Solari vazhdon t’i besojë atij, sepse e konsideron si një futbollist thelbësor.
ZËVENDËSUESIT
Javi Sánchez: 6
U inkuadrua në vend të kapitenit Ramos. Bëri mirë për aq minuta sa luajti.
Vinicius: 7
Sa herë që delë në fushë, dhuron spektakël. Për 30 minuta sa luajti, me shpejtësinë e tij u shkaktoi shumë probleme mbrojtjes të ekipit çek. Asistoi tek goli i Toni Kroos.
Isco: 6
Ka humbur vendin e tij në ndeshjet e fundit. Sot, kishte 25 minuta në të cilat nuk bëri shumë.
