Dejan Lovren ka ngritur më lartë Varanen kur është fjala në krahasim me Sergio Ramosin.
Mbrojtësi i Liverpoolit, Lovren i cili gjatë Kupës së Botës e cilësoi veten si një nga më të mirët në pozitën e tij, tha se Ramos bën gabime më shumë se ai.
“Më plqen Varane, ai meriton më shumë vëmendje, por ai nuk merr aq shumë,” tha ai për Copa 90.
“Ramos i merr ata (vëmendjen & lavdatat), por unë nuk pajtohem me këtë.”
Në pyetjen se kush është më i mirë mes Varanes dhe Ramosit, Kroati shumë qartë drejtoi ‘gishtin’ nga francezi.
“Definitivisht Varane, aktualisht dhe në vitet e kaluara,” theksoi mbrojtësi.
“Ai fitoi Champions Leaguen dhe Kupën e Botës kështu që e meriton të jetë mbrojtësi më i mirë.”
Lovrenit gjithashtu nuk i pëlqen mënyra se Ramos nuk kritikohet ashtu siç duhet.
“Nëse e shikon Ramosin, ai bën gabime më shumë se unë. Por ai ishte në Real Madrid në disa sezone me Cristiano Ronaldon, dhe kështu ju fitoni 5 – 1 ose 5 – 2, kështu që askush nuk i sheh gabimet.”
“Unë jam mjaftë i pafatë kur bëj gabime sepse atëherë ndeshja mbaron 1 – 0,” theksoi kroati.
