Sot me fillim në ora 16:15 ekipi do të jetë mysafir i Barcelonës në Camp Nou për El Clasicon e parë të këtij sezoni.
Kjo El Clasico do të jetë më ndryshe se tjerat nga vitet e fundit pasi do të mungojnë dy lojtarët më të mirë në botë: Ronaldo që u largua nga Reali dhe Messi që mungon për shkak të dëmtimit.
Por këta dy nuk janë të vetmit që mungojnë pasi të dyja ekipeve iu mungojnë edhe disa lojtarë tjerë në El Clasicon e sotme.
Realit do t’i mungojnë vetëm 2 lojtarë në El Clasicon e sotme: Carvajal dhe Vallejo për shkak të dëmtimeve ndërsa Barcelonës do t’i mungojnë 5 lojtarë të ekipit të parë: Umtiti, Messi dhe Vermaelen për shkak të dëmtimeve ndërsa Samper dhe Alena nga vendimi teknik i stafit të tyre.
