Ekipi nesër do të luajë përball CSKA Moskës në Luzhniki në kuadër të Champions League me 4 mungesa: pa Marcelo, pa Isco, pa Bale dhe pa Ramos që është lënë jashtë për të pushuar. Katër mungesa të mëdha për formacionin e Lopeteguit që pritet të vendosë në fushë një formacion me një skemë të re nesër.
Alternativa më e preferuar për trajnerin spanjoll mbetet startimi me 4-4-2 me një mesfushë të përbërë nga Casemiro, Kroos, Modric dhe Ceballos dhe me sulmin të formuar nga Benzema dhe Asensio.
Dy opsionet tjera janë të luajë me 4-3-3 me dy sulmues Benzeman dhe Marianon përkrah Asensios, ose Vinicius në vend të Marianos si zëvëndësim për Bale.
Sa i përket mbrojtjes janë 3 opsione: Carvajal, Nacho, Varane dhe Reguilon; Carvajal, Vallejo, Varane dhe Nacho; dhe Carvajal, Nacho, Varane dhe Odriozola.
