Julen Lopetegui iu përgjigj pyetjeve të mediave në sallën e shtypi në stadiumin Luzhniki para ndeshjes së nesërme ndaj CSKA Moskës në kuadër të xhiros së dytë të fazës së grupeve të Champions League. Tekniku Madrilen diskutoi për këto tema:
Motivi
”Linja është e njejtë: të përballemi me cdo ndeshje për ta fituar dhe për të marrë numrin maksimal të pikëve të mundëshme. Ne do të luajmë një ndeshje që kërkon maksimumin pasi është Champions League”
Gjendja psiqike
”Gjendja psiqike është fantastike dhe jemi shumë të ngazëllyer dhe emocionuar për të luajtur. Ne luajmë kundër një ekipi të madh në fushën e tyre dhe nuk ka motivim më të madh se kaq. Kur tingëllon himni i Championsit motivimi është maksimal. Ne jemi të bindur se do të jemi në gjendje t’a përmbushim objektivim. Nëse ata mendojnë se është koha më e mirë për ta që të përballen me ne, do ta shohim nesër.”
CSKA
”Ndeshja do të jetë shumë kërkuese ndaj një rivali me shumë nivel. Ne do të zgjidhim vështirësitë me burimet që kemi. Ne do ta matim veten kundër një ekipi që po kalon nëpër një ecuri shumë pozitive dhe kundër Vikttoria Plzen mund të fitonte. Do të shohim se si do të luajnë nesër. Ata kanë lojtarë shumë të mirë si Dzagoev dhe nesër do të luajnë një ndeshje të mirë pa asnjë dyshim.”
Derbi Madrilen
”Në derbi shkuam nga më pak në më shumë dhe ishim superior ndaj Atleticos. Demostruam se kemi burime të mira ndaj situatave të vështira. Duam maksimiumin e mundshëm dhe të përmirësohemi. Nesër është një mundësi tjetër për të rritur.”
Ceballos
”Ai është një djalë që na pëlqen dhe na ndihmon shumë. Ai është duke iu përgjigjur këtij besimi në mënyrën më të mirën dhe duke luajtur futboll të mrekullueshëm. Ne duhet të kemi burime për cdo moment të ndeshjes, por pa humbur perspektivën dhe stilin e lojës tonë.”
Ndeshje speciale
”Eshtë speciale pasi luajmë ndaj një ekipi të madh nga Rusia dhe në një skenar mbresëlënës. Jemi 100% të fokusuar për të fituar ndeshjen.”
Odriozola dhe Vinicius JR
”Besimi në Odriozolan është maksimal. Ishte i lënduar, luajti dhe u lëndua përsëri. Kur është gati, luan. Ka besimin e plotë të ekipit. Vinicius është i ri, po ndërmerr hapa dhe kur kemi nevojë do t’a përdorim atë.”
