Real Madridi duhet të jape një përgjigje të menjëhershme pas disfatës nga Sevilla sipas Julen Lopeteguit, i cili dëshiron një performancë kompetitive dhe të mirë në derbi.
Të Mëkrurën, Madrilenët u turpëruan në Sanzhej Pizjuan nga Sevilla në një ndeshje ku pësuan 3 gola që në pjesën e parë. Sidoqoftë, vizita e Atleticos në Bernabeu ofron një mundësi për t’a hedhur pas krahëve humbjen ndaj Andaluzianëve.
”Në futboll, gjithçka lëviz shumë shpejtë dhe ne duhet të lëmë prapa gjithçka sepse kemi një sfidë madhore përpara nesh,” potencoi Lopetegui.
”Nuk banojmë me fitoret kështu që nuk do të bëjmë të njëjtën as me disfatat, sepse po mendojmë për sfidën e bukur në ndeshjen e ardhshme.”
”Pres një ndeshje të vështirë dhe të ekuilibruar ku ne do të duhet të rivalizojmë dhe të luajmë mirë dhe unë mendoj se ekipi do e bëje këtë.”
”Po e matim veten përballë një rivali të madh, një skuadre shumë të vlerësuar që do të na shfaqë maksimumin tonë.”
Një akuzë ndaj Lopeteguit që tekniku nuk dëshiroi t’ia etiketonte ekipit është fakti që skuadra ka dështuar në ndeshjet e mëdha, teksa ka humbur Superkupën e Europës dhe ndeshjen ndaj Sevillan. Tekniku poashtu refuzoi të kritikonte orarin e ndeshjeve nga federata e futbollit, diçka që i ka lejuar Atleticos të ketë 24 orë më tepër për të përgaditur ndeshjen, me Atleticon që mposhti Huescan me rezultatin 3-0 të Martën.
”Fituam ndaj Romës në Champions League, që vitin e kaluar ishte gjysmëfinalsit në kompeticionin më madhor kështu që jemi në gjendje të mposhtim çdo skuadër,” insistoi Lopetegui.
”Por ne e dimë që çdo gjë mund të ndodhë në çdo kompeticio. Jemi të përgaditur për çdo ndeshje ndaj çdo rivali.”
”Sa i përket faktit që kemi një ditë më pak pushim, nuk e kam konsideruar aspakt sepse kemi motivim, dëshirë dhe energji.”
”Nuk mund të shikojmë për arsyetime. Kalendari është i tillë. Ishte një ndeshje kërkuese por energjia dhe motivimi duhet të jetë mbi të gjitha.”
Ndërsa sa i përket faktit që performancat e ekipit kanë rënë së fundmi në La Liga, me ndeshjet ku skuadra ka lënë pikë si në San Mames dhe Pizjuan, ndërsa ka dështuar të bind në ndeshjen ndaj Espaynol, Lopetegui nuk mendon se performanca ndaj Romës në Champions ishte për faktin që ekipi i tij ka një tjetër motiv në Europë.
”Nuk mendoj se kjo skuadër është më e motivuar në Champions League”, shtoi ish trajneri i Spanjës.
”Realiteti është që ne jemi të motivuar dhe të etur për të fituar La Ligan.”
”Jemi në gjendje t’a bëjmë këtë edhe pse do të jetë një sezon i gjatë dhe i vështirë.”
”Në këtë klub, çdo ndeshje është e veçantë dhe çdo ndeshje është e rëndësishme.”
