Ndeshjet që vijnë pas ndeshjeve të Champions Leagues janë gjithmonë të rrezikshme.
Kështu deklaroi trajneri i Real Madridit, Julen Lopetegui, pas fitores se sontme me rezultat 1-0 ndaj Espanyolit.
Shkaktar për këtë fitore të vështirë e minimale sipas trajneri në fjalë është lodhja, njëherit edhe kualiteti i kundershtarit i cili kishte një javë të tërë për t’u përgatitur për lojën.
“Ata luajtën mirë, janë shumë mirë të organizuar. E dinim se do të ishte e vështirë. Për fat të mirë ne ishim në gjendje të marrim tre pikë, të cila janë gjëja më e rëndësishme”, deklaroi tekniku Madrilen.
Në ndeshjen ndaj Espanyolit, ajo që ra në sy ishte lira e Sergio Ramos në fushë.
I pyetur për këtë, Lopetegui, tha se situata te tilla ndonjëherë mund të ndodhin, por që nuk janë të planifikuara.
“Dikush fiton topin dhe ekziston mundësia për të arritur në sulm. Nuk kemi folur për këtë; ato janë situata spontane që shfaqen”, u shpreh ai.
Odriozola dhe Llorente, sipas teknikut 52 vjeçar, e shfrytëzuan mirë shansin e tyre.
“Kur lojtarët që nuk kanë luajtur, si ata dy e Nacho, luajnë … është një lajm i mirë për ne. Numri i ndeshjeve që kemi, do të thotë që duhet të marrim këso vendime”, deklaroi Lopetegui.
Krejt në fund, tekniku Madrilen tregoi se e përfshiu Vinicius Jr në listën e lojtarëve të ftuar për këtë ndeshje për shkak se dy ditë më parë kishte lojtarë që nuk mund të stërviteshin plotësisht.
“Në fund ai u la jashtë listës sepse [Fede] Valverde arriti në kohë. Nuk ka asgjë më shumë për të”, bëri me dije 52 vjeçari.