Ish futbollisti brazilian i Barcelonës, Rivaldo ka dhënë një intervistë për mediat në të cilat ka folur edhe për largimin e Cristiano Ronaldos nga Madridi.
Rivaldo tha se Portugezi nuk po i mungon Madridit pasi ata kanë gjetur formën e tyre më të mirë dhe janë duke bërë një lojë të bukur në këtë fillim sezoni.
”Ekipi Madrilen e ka harruar largimin e Cristianos, dhe tani për tani, nuk vërehet mungesa e tij. Bale dhe Benzema po mbajnë përgjegjësi pas mungesës së tij dhe kjo është mirë për të treguar pikat e forta të klubit dhe ekipit.”, tha ish lojtari Blaugran.
Më tutje ai shtoi: ”Ekipit të tyre ndoshta mund t’i mungojë Cristiano gjatë sezonit por për momentin ata po tregojnë një lojë të mirë dhe po marrin rezultate edhe pa të.”
Krejt në fund, Rivaldo parashikoi një fitore 0-1 të Realit ndaj Athletic Bilbaos në San Mames të shtunën: ”San Mames është një stadium i vështirë për vizitorët. Real Madridi duhet të vuajë për të arritur një fitore.”
