Julen Lopetegui u shfaq përpara mediave në prag të ndeshjes së nesërme ndaj Athletic Bilbaos (20:45h) për të analizuar aktualitetet e Real Madridit.
Gjendja e ekipit pas pauzës: ”Lojtarët duhet të adaptohen. Athletic Bilbao ka patur 15 ditë për të përgaditur ndeshjen dhe ne duhet të dime se çfarë na pret atje. Do të jetë një ndeshje shumë e bukur por shumë e vështirë poashtu dhe duhet të rikuperojmë dinamikën që kemi patur përpara pauzës sa më shpejtë që të jetë e mundur. Athletic Bilbao do të na obligoje të bëjmë një ndeshje të madhe për të fituar.”
Rotacionet: ”Duhet të jemi në 100% të energjisë tonë për ndeshjen e rradhës. Ndeshja ndaj Athletic Bilbaos është e rëndësishme për ne.”
Barcelona – Girona në Miami: ”Nuk jam mbështetës i kësaj. Kampionati humbet rivalitetin. Të gjithë ekipet duhet të luajnë në të njëjtat stadiume.”
Të padiskutueshmit në Madrid: ”Kam 24 titullar të padiskutueshëm dhe do të kërkoj zgjidhje të ndryshme gjatë sezonit. Kam një skuadër të ekuilibruar. Ata që qëndrojnë në stol duhet të jenë zgjuar në çdo moment dhe duhet të jenë të përgaditur kur t’iu vije rasti për të luajtur.”
Bale: ”Është rikthyer në formë fenomenale, pa asnjë problem. Çmimi Puskas (goli më i mirë)? Nuk më pëlqen të futem në diskutime të tilla, çmimi i tij më i mirë është që mund të festoje me bashkëlojtarët.”
Lojtarët Madrilen shkëlqejnë me kombëtaret: ”Kemi lojtar në shumë kombëtare dhe tentojmë të analizojmë se si janë dhe se çfarë kanë bërë me kombëtaret. Tani mendojmë vetëm për Real Madridin.”
Benzema: ”Është në kushte optimale, të pjekurisë, të moshës.. nuk më surprizon fillimi madhështor i sezonit sepse është një lojtar i shkëlqyer dhe ajo që duam është të vazhdoje në këtë mënyrë. Janë lojtarët ata që kanë meritën për formën aktuale.”
Rikthimi i Zidane në stol: ”E gjithë bota gëzohet kur të mëdhenjtë rikthehen për të stërvitur, por është një vendim personal.”
Madrilenët në kombëtaren Spanjolle: ”Janë vendimet e trajnerit dhe i duartrokasim sepse që të gjithë ishin shumë mirë, janë të lumtur dhe gëzohemi për ta.”
Kritika për Mayoral: ”Do të qëndronte dhe më pas u shfaq opsioni i Marianos. Pas kësaj panorama ndryshoi por unë nuk e kam dëgjuar që është ndjerë i gënjyer.”
Asensio: ”Luan me shumë dinamizëm. Goditja është njëra nga cilësitë e tij më të mëdha.”
Takimi me Hector Herreran: ”Është një trillim, nuk jam parë me lojtarin.”
Ceballos: ”Ka shfrytëzuar mundësinë, vjen në kushte shumë të mira dhe ka punuar për këtë. Tani duhet vazhduar në këtë drejtim sepse Real Madridi është shumë kërkues.”
